Dukomeje kwiga igice kimwe cya Bibiliya buri munsi. Iga igice cyose cya 38 cya EZEKIYELI uciye bugufi kandi mu mwuka w’isengesho.
📖 EZEKIYELI 38
[2] “Mwana w’umuntu, erekeza amaso yawe kuri Gogi wo mu gihugu cya Magogi, umwami w’i Roshi n’i Mesheki n’i Tubali,
[7] Ube witeguye, ni ukuri witegure wowe n’ibitero byawe byose biguteraniyeho, kandi ubabere umugaba.
[9] Nawe uzazamuka uze umeze nk’umugaru, uzaba umeze nk’igicu gitwikira igihugu wowe n’ingabo zawe zose, n’amahanga menshi ari kumwe namwe.’
[15] Icyo gihe uzaza uvuye mu gihugu cyawe ahahera h’ikasikazi, wowe n’amahanga menshi ari kumwe nawe bose bagendera ku mafarashi, igitero kinini n’ingabo nyinshi,
[16] maze uzazamuka utere ubwoko bwanjye Isirayeli umeze nk’igicu gitwikiriye igihugu. Ku minsi y’imperuka nzatuma utera igihugu cyanjye kugira ngo amahanga akurizeho kumenya, igihe nziyerekanira muri wowe imbere yabo ko ndi Uwera, yewe Gogi we.
[18] Uwo munsi igihe Gogi azatera igihugu cya Isirayeli, uburakari bwanjye buzatunguka mu maso hanjye. Ni ko Umwami Uwiteka avuga.
Ukundwa, amahoro y’Imana Abe muri wowe. Igice cya none kiranejeje cyane. Ukigisoma wagira ubwoba. Iki gice kiramara abera ubwoba. Dufite Imana ihagarara ku bera bayo.
1️⃣ IGITERO KURI ISIRAYELI
🔰 “Itorero ni igihome cy’Imana, ni umudugudu wayo w’ubuhungiro yashyize ku isi yagomye. Ubugambanyi ubwo ari bwo bwose bukorewe Itorero ni ubuhemu ku wacunguje abantu amaraso y’umwana We w’ikinege.” INI 10.1
➡️Nyuma y’ingorane nyinshi zageze kuri Isirayeli maze Imana igatabara itanga ihumure, hari imbaraga zishyiriye hamwe kubarwanya. Kuva kera kugeza ubu, dufite Imana idatinya urugamba. Isirayeli yari itorero ry’Imana ikunda bikomeye. Kurwanya iri torero ni ukurwanya Imana ubwayo.
2️⃣ ISHYIRAHAMWE RY’IKIBI
🔰 “Gutabarwa kw’abazaba barategereje bihanganye kugaruka kw’Umukiza, kandi amazina yabo yanditswe mu gitabo cy’ubugingo bizaba ari agahozo.” II 612.2
➡️Nk’uko imbaraga zishyiriye hamwe kurwanya Isirayeli y’Imana mu ishusho ya Gogi n’abambari be, uko niko mbere y’uko Isirayeli ya none ikomorerwa burundu izahura n’imbaraga zishyiriye hamwe gutsemba abera. Ibyahishuwe 20:7-10 hagaragaza Gogi na Magogi nk’abatera inkunga Satani mu kurwanya Imana ubwayo n’abera bayo. Nk’uko izo ntambara za kera Gogi atatsinze, uko niko no ku iherezo Imana izahaguruka ikarwanirira abera bikayihesha icyubahiro (Ezek 38:16, 17).
⚠️ Mugenzi ugana i Siyoni, wicogora urugamba rugiye kurangira turuhuke imiruho. Egurira Imana urugamba rwawe maze uyihe umwana ikurwanirire.
🛐 MANA IDATINYA URUGAMBA, TWIGWIRIYE MU MABOKO YAWE NGO UTURWANIRE INTAMBARA. 🙏
Wicogora Mugenzi