1 SAMWELI 25: IBYA NABALI

Dukomeje gusoma no kwiga igice cya Bibiliya buri munsi. Iga igice cyose cya 25 cya 1 SAMWELI, usenga kandi uciye bugufi.
Taliki 01 Ugushyingo 2022

📖 1 SAMWELI 25
[1] Hariho umugabo w’i Mawoni kandi ibintu bye byabaga i Karumeli. Yari umutunzi cyane, yari afite intama ibihumbi bitatu n’ihene igihumbi, icyo gihe yakemurizaga ubwoya bw’intama ze i Karumeli.
[2] Uwo mugabo yitwaga Nabali, n’umugore we yitwaga Abigayili. Uwo mugore yari umunyabwenge kandi w’uburanga, ariko umugabo we yari umunyamwaga w’inkozi y’ibibi, yari uwo mu muryango wa Kalebu.
[9] Abahungu bo kwa Dawidi basohoye aho, babwira Nabali mu kigwi cya Dawidi ubwo butumwa bwose uko bungana, baburangije baraceceka.
[11] Nabali asubiza abagaragu ba Dawidi ati “Dawidi ni nde? Kandi mwene Yesayi ni nde? Muri iyi minsi hariho abagaragu benshi bacitse ba shebuja.
[14] Umwe mu bagaragu ba Nabali abwira Abigayili muka Nabali ati “Umva, Dawidi yatumye intumwa ziva mu butayu kuramutsa databuja, ababonye arabakankamira.
[23] Nuko Abigayili abonye Dawidi ahuta ava ku ndogobe, yikubita hasi imbere ye yubamye.
[24] Amugwa ku birenge aravuga ati “Nyagasani, icyo cyaha abe ari jye gihereraho. Ndakwinginze ukundire umuja wawe ngire icyo nkubwira, wumve amagambo y’umuja wawe.

Ukundwa n’Imana, amahoro abe muri wowe. Ibya Nabali bitwigisha neza ubwenge bw’isi aho butandukaniye n’ubwnge mvajuru

1️⃣ IMICO IRANGWAGA N’UMWAGA N’UBUGUGU
🔰Igihe Dawidi n’abantu be bari bihishe mu butayu bw’i Parani, barinze imikumbi n’amashyo by’umuntu wari ukize witwaga Nabali, wari ufite ibintu byinshi muri ako karere, babirinda abanyazi.

▶️ Nabali yari uwo mu rubyaro rwa Kalebu, ariko imico ye yarangwaga n’umwaga n’ubugugu.( AA 463.3)

▶️ Icyaha cye cy’umururumba ni cyo cyandakaje ndamukubita. Narihishe ndakaye, ariko akomeza gusubira inyuma mu ngeso zikundwa n’umutima we (Yes 57:17)

▶️ Mbega ukuntu bisigaye ari gikwira mu itorero hose kubonamo kwikunda, kurarikira, ubugugu, kwirengagiza kugira neza no kwiba Imana “icya cumi n’amaturo.” Benshi mu bagize itorero “bagaragara neza kandi badasiba” harimo ba Akani benshi! Abantu benshi baza mu rusengero, bakicara ku meza y’Umwami, kandi mu mitungo yabo hahishwemo indonke z’inyibano, ibintu Imana yavumye. Bitewe n’umwambaro mwiza w’i Babuloni, abantu benshi cyane muri iki gihe bemera guhara ibyo umutimanama ubemeza n’ibyiringiro byabo by’ijuru.

▶️ Abantu batabarika bagurana ubupfura bwabo no kuba ingirakamaro kwabo agapfunyika ka shekeli y’ifeza. Iminiho y’abakene bababazwa ntiyitabwaho; umucyo w’ubutumwa bwiza urapfukiranwa, gukwenwa n’ab’isi bikongezwa n’imikorere inyurana n’Ubukristo; nyamara uwo uvuga ko ari Umukristo kandi yifuza iby’abandi agakomeza kwirundanyiriza ubutunzi (AA 340.2)

2️⃣ UBWENGE MVAJURU
🔰Ubwenge buva mu ijuru ubwo ari bwo: ni nde muri mwe w’umunyabwenge kandi w’umuhanga? Niyerekanishe ingeso nziza imirimo ye, afite ubugwaneza n’ubwenge.
Ubwo ba basore bagarukaga amara masa bakabwira Dawidi uko byagenze, yararakaye cyane. Dawidi yategetse ingabo ze gufata intwaro zikambararira urugamba; kuko yari yiyemeje guhana umugabo wari wamwimye ibyo yari afitiye uburenganzira kandi akongera igitutsi ku gasuzuguro. Uko guhutiraho kwari guhuje n’imico ya Sawuli aho guhuza n’iya Dawidi, ariko uwo muhungu wa Yesayi yari agikeneye kwigira ibyigisho byo kwihanagana mu ishuri ry’umubabaro.( AA 464.1)

▶️ Wowe iyo Abigayili uba warakoze iki? Ijambo ryizihiye rivuzwe mu gihe gikwiriye,Ni nk’amatunda y’izahabu ku mbehe y’ifeza (Imig 25:1)

▶️ Abigayili yaravuze ati: “Ndakwinginze, babarira umuja wawe icyo cyaha. Uwiteka ntazabura kukubakira inzu idakuka, kuko Nyagasani urwana intambara z’Uwiteka, kandi nta kibi kizaboneka kuri wowe iminsi yawe yose.” Abigayili yerekezaga ku byo Dawidi yendaga kuzakora. Dawidi yari kuzarwana intambara z’Uwiteka. Ntiyari akwiriye gushaka kwihorera ku bibi umuntu umuntu umwe yari yamukoreye nubwo yahigwaga nk’umugambanyi. Yarakomeje ati: “Nubwo abantu bahagurukiye kukugenza no gushaka ubugingo bwawe Nyagasani, ariko ubugingo bwawe buzahambiranwa n’Uwiteka Imana yawe mu mutwaro umwe w’ubugingo . . . Nuko Uwiteka namara kugusohozaho ibyiza yakuvuzeho byose uko bingana, akakugira umutware wa Isirayeli, ntuzagire umutima ukubabaza Nyangasani, kandi ngo uguhane ko wavushirije amaraso ubusa, cyangwa se kuko wihoreye kubwawe. Nuko Uwiteka namara kukugirira neza Nyagasani, uzibuke umuja wawe.” (1Samweli 25:29-31. AA 465.1)

3️⃣ IMIBEREHO YA GIKRISTO YEJEJWE
🔰Nk’uko impumuro y’uburabyo imera, ubutungane bwa Abigayili bwabonekeraga mu maso, mu magambo, no mu bikorwa bye atabizi.

▶️ “Hahirwa abazana amahoro mu bantu, kuko ari bo bazitwa abana b’Imana.” (Matayo 5:9).
Imibereho ya Gikristo yejejwe ihora imurika kandi igatanga ihumure n’amahoro. Irangwa n’ubutungane, ubwitonzi, kwiyoroshya no kuba ingirakamaro. Iyo mibereho igengwa na rwa rukundo rutikanyiza. Ni imibereho yuzuwe Kristo, kandi isiga ikirari cy’umucyo ahantu hose nyiri iyo mibereho ashobora kujya. Abigayili yari umuhannyi n’umujyanama mwiza. Uburakari bwa Dawidi bwacubijwe n’uburyo Abigayili yamuvugishije. Dawidi yemeye ko yakoze iby’ubupfapfa kandi ko yari yananiwe gutegeka umutima we. (AA 465.3)

🛐 MANA Y’IMPUHWE N’URUKUNDO TUBASHISHE KUGIRA UBWENGE MVAJU🙏

Wicogora mugenzi.