Dukomeje gusoma no kwiga igice cya Bibiliya buri munsi. Iga igice cyose cya 13 cy’ITANGIRIRO usenga kandi uciye bugufi.
Tariki 29 MATA 2025.
📖 ITANGIRIRO 13
[3]Aragenda, ava i Negebu agera i Beteli, agera aho mbere yabanje kubamba ihema rye, hagati y’i Beteli na Ayi,
[4]ahari igicaniro yubatse mbere. Aburamu yambarizaho izina ry’Uwiteka.
[5]Kandi na Loti wagendanaga na Aburamu, yari afite imikumbi n’amashyo n’amahema.
[6]Icyo gihugu nticyabakwiriye kugituranamo, kuko ubutunzi bwabo bwari bwinshi, bibabuza guturana.
[7]Habaho intonganya z’abashumba b’inka za Aburamu n’ab’iza Loti, kandi muri icyo gihe Abanyakanāni n’Abaferizi babaga muri icyo gihugu.
[8]Aburamu abwira Loti ati “He kubaho intonganya kuri jye nawe, no ku bashumba bacu, kuko turi abavandimwe.
[9]Mbese igihugu cyose ntikiri imbere yawe? Ndakwinginze tandukana nanjye. Nuhitamo kujya ibumoso nanjye nzajya iburyo, cyangwa nuhitamo kujya iburyo nanjye nzajya ibumoso.”
[11]Nuko Loti yihitiramo ikibaya cyose cyo kuri Yorodani, ajya iburasirazuba, baratandukana.
[12]Aburamu atura mu gihugu cy’i Kanāni, Loti atura mu midugudu yo muri cya kibaya, yimura ihema rye, agera i Sodomu.
Ukundwa n’Imana, amahoro abe muri wowe.
Aburamu inshuti y’Imana, iby’isi n’ubwo yari afite byinshi, ntiyigeze abiha umwanya wa mbere. Ariko abantu ndetse n’abiyita abakristu babaye mpemuke ndamuke. Babona imigisha ikabarutira iyayibahaye. Uhagaze ute?
1️⃣WITSIMBARARA KU BY’ISI
🔰N’ubwo ubwo butaka bwose Imana yari yarabumweguriye, Abrahamu adahaswe yemera gutanga ibyo afitiye uburenganzira. (PP 132.1)
🔰Nubwo kandi ibyo Loti yari atunze yabikeshaga kubana na Aburahamu, ntiyerekanye ishimwe …ahubwo mu kwikunda yifuza kwikubira ibyiza byose. (PP 133.1)
🔰Aha Abrahamu yerekana umwuka wo kutikunda n’ubudashyikirwa (PP 132.3)
➡️👉🏾Aburahamu yarekuye ibyari ibye, aha Loti guhitamo. Loti aha agaciro iby’isi bitoshye, ariko bizakurikirwa n’amakuba.
2️⃣UMUCYO N’UMUNYU W’ISI
🔰 Abrahamu yubaharwa n’amahanga amukikije,… Ubuzima n’imico bye , ihabanye cyane n’iy’abasengaga ibigirwamana, yagize ingaruka ikomeye mu kwerekana imyizerere y’ukuri . Kumvira Imana … ubugwaneza no gufasha abandi byatumaga bamwizera kandi baba inshuti ze, kandi ugukomera kwe kukamuhesha kubahwa n’icyubahiro .(PP 133.3)
➡ 👉🏾Nubwo ukwizera kwe kwari kwarashegeshwe ari muri Egiputa, Abrahamu yakomejwe kwizera Imana no kuyiramya (Itang 13:4). Nawe Amakosa wakoze ntazatume uva mu byizerwa, garukira Imana .
⚠️Muvandimwe, mu gutanga, Abrahamu yifunguriye amarembo y’imigisha y’Imana.
Ibiganza bipfumbase ntibibasha kwakira kandi gutanga bizana imigisha kurusha guhabwa. Tanga urukundo, tanga ku migisha wahawe, abagukikije bumve uko Uwiteka agira neza.
🛐 MANA UJYE UDUSUBIZAMO IMBARAGA, NYUMA Y’IBIGERAGEZO. DUHE KANDI KUGIRA URUKUNDO NTITUGUNDIRE IBY’ISI .🙏🏾
Wicogora Mugenzi
Amen 🙏