ITANGIRIRO 16: ABURAHAMU ACYURA HAGARI; SARAYI AMWIRUKANA

Dukomeje gusoma no kwiga igice cya Bibiliya buri munsi. Iga igice cyose cya 16 cy’ITANGIRIRO usenga kandi uciye bugufi.

Tariki 02 GICURASI 2025.

[1]Sarayi umugore wa Aburamu ntibari babyaranye, kandi yari afite umuja w’Umunyegi putakazi witwaga Hagari.
[2]Sarayi abwira Aburamu ati “Dore Uwiteka yanyimye urubyaro. Ndakwinginze gira umuja wanjye inshoreke, ahari nazabonera urubyaro kuri we.” Aburamu yumvira Sarayi.
[3]Nuko Aburamu amaze imyaka cumi atuye mu gihugu cy’i Kanāni, Sarayi umugore we, ajyana Hagari Umunyegiputakazi umuja we, amushyingira Aburamu umugabo we.
[4]Aryamana na Hagari asama inda, abonye yuko asamye inda bimusuzuguza nyirabuja.
[5]Sarayi abwira Aburamu ati “Guhemurwa kwanjye kube kuri wowe, ko nashyize umuja wanjye mu gituza cyawe, maze abonye yuko asamye inda biramunsuzuguza. Uwiteka abe ari we uducira urubanza wowe nanjye.”
[6]Aburamu asubiza Sarayi ati “Dore umuja wawe mwitegekere, umugire uko ushatse kose.” Sarayi amugirira nabi, na we aramuhunga.
[7]Marayika w’Uwiteka amubonekera mu butayu, ari hafi y’isōko yo mu nzira ijya i Shuri.
[8]Aramubaza ati “Hagari muja wa Sarayi, urava he ukajya he?” Aramusubiza ati “Mpunze mabuja Sarayi.”
[13]Ahimba Uwiteka wavuganye na we izina ati “Uri Imana ireba.” Ati “Mbese Indeba nayiboneye na hano?”
[14]Ni cyo cyatumye rya riba ryitwa Iriba rya Lahayiroyi, riri hagati y’i Kadeshi n’i Beredi.

Ukundwa n’Imana, amahoro abe muri wowe. Wishingikiriza ku Mana cg urishoboye?

GUSHAKA GUFASHA IMANA
🔰 Sarayi ikigeragezo kimurambiye yishakiye igisubizo cyo kubona umwana!
⛔ Mu kwibwira ko bidashoboka kuzabyara umwana ashaje, Sara yagize igitekerezo cy’uburyo umugambi w’Imana ugomba gusohozwa, binyuze mu kugira inama Aburahamu ngo afate umwe mu baja be amugire umugore wa kabiri. AA 92.1}
➡️Imana muri gahunda yateganyirije Aburahamu kubyara umuhungu kuri Sara kandi ko azamubyara afite imyaka ijana. Ariko, Aburahamu yagabanyije igihe imyaka cumi n’ine yose akoresheje imbaraga ze.
🔺Ikibabaje ni uko *nta mahoro bigeze babonera mu nzira zabuzanijwe. * Aburahamu amaze kurongora Hagari, ntabwo ari inzu ye yahuye n’ibibi gusa, ahubwo uko ibihe byagiye biha ibindi, ni ko icyo kibi cyakomeje gukurikirana abantu. {AA 92.1}*. Imana ntiyigeze yemera gushaka abagore benshi.
🔺Ikindi gikomeye ni uko Aburahamu Inshuti y’Imana hashize imyaka 13 atavugana n’Imana yagiye kure kugeza Imana ije kumureba mu gice cya 17.
🔰Nk’uko indirimbo ya 166 ibivuga: *Ibyo twakora byose n’umwete wacu wose ni agahinda gasaze, ni amarira adashira,…*
🔰 Ikintu gishobora kunezeza Imana ni ikiyikomokaho! Imirirmo myiza yose twakora twebwe ubwacu cyangwa twebwe kongerago Imana nta kindi cyavamo usibye Ismael=Abana b’umubiri,ibikorwa by’umubiri
▶️N’ubwo ibyamubayeho na we yari afitemo uruhare, nyuma yo guhemukirwa n’abakoresha be, Imana yakomeje kuba hamwe na Hagari, isubiza ibibazo bye ndetse ayita izina Imana ireba. Nta kure Imana itagukura!

🔰 Umuntu w’intwari ashaka ibisubizo no mu nzira y’inzitane ashaka inzira, nyamara Imana ishaka ko duca bugufi ikadushakira inzira. Reka twemere kuyoborwa n’Imana.🙏🏽

🛐 MANA TURATSINZWE, NI KENSHI DUFATA INZIRA RUNAKA TUTAKUGISHIJE INAMA HABE NO KUKUMENYESHA. DUHE KUKUGISHA INAMA NO KWIRINGIRA AMASERANO YAWE.🙏🏾

Wicogora Mugenzi