Dukomeje gusoma no kwiga igice cya Bibiliya buri munsi. Iga igice cyose cya 9 cy’ITANGIRIRO usenga kandi uciye bugufi.
Tariki 25 MATA 2025.
📖 ITANGIRIRO 9
[1]Imana iha umugisha Nowa n’abana be, irababwira iti “Mwororoke, mugwire, mwuzure isi.
[9]“Ubwanjye nkomeje isezerano ryanjye namwe n’urubyaro rwanyu ruzakurikiraho,
[10]n’ibifite ubugingo byose muri kumwe, inyoni n’ibisiga n’amatungo, n’inyamaswa zo mu isi zose hamwe namwe, ibisohotse mu nkuge byose, inyamaswa zo mu isi zose.
[11]Ndakomeza isezerano ryanjye namwe: ibifite umubiri byose ntibizongera kurimburwa n’amazi y’umwuzure, kandi ntihazabaho ukundi umwuzure urimbura isi.”
[13]Nshyize umuheto wanjye mu gicu, ni wo mukororombya, uzaba ikimenyetso cy’isezerano ryanjye n’isi.
[18]Bene Nowa basohotse mu nkuge ni Shemu na Hamu na Yafeti. Hamu ni se wa Kanāni.
[19]Abo uko ari batatu ni bo Nowa yabyaye, ari bo bakomotsweho n’abakwiriye mu isi yose.
[28]Hanyuma ya wa mwuzūre, Nowa amara imyaka magana atatu na mirongo itanu.
[29]Iminsi yose Nowa yaramye ni imyaka magana urwenda na mirongo itanu, arapfa.
Ukundwa n’Imana, gira umunsi w’umunezero. Nyuma y’umwuzure abantu bibazaga niba koko Imana ikunda umuntu yaremye. Igirana nabo isezerano ribahumuriza ariko rinabibutsa ububi bw’icyaha. Nitwe twagiranye na Yo isezerano ry’urukundo, turizirikane.
1️⃣IMANA IRENGERA UBURENGANZIRA BW’UMUNTU
📖Uvushije amaraso y’umuntu, amaraso ye azavushwa n’abantu, kuko Imana yaremye umuntu afite ishusho yayo. (Itang 9:6)
🔰Iyo umwicanyi umwe aza kudahanwa, ingaruka z’ikibi n’ubugome bwe byahindura abandi bakaba babi
Bikazagera aho ibintu biba bibi nk’ibya mbere y’umwuzure. Imana igomba guhana abicanyi. Itanga ubugingo kand ikabwambura iyo ubwo bugingo bubaye ubutera abandi ubwoba no kubashyira ku nkeke (Manuscript 126, 1901). – 1BC 1091.3
➡️Irinde rero guhemukira cg kugirira nabi umuntu waremwe mu ishusho y’Imana, kuko Imana ibireba kandi byanze bikunze imurengera, ikazabikubaza. Mana umpe gukunda umuntu waremye iyo ava akagera.
2️⃣IMANA ISEZERANA NA NOWA ISEZERANO.
🔰 Uko ibihe bihaye ibindi, umukororombya uzajya uhamya urukundo Imana yakunze abantu kandi ukomeze ibyiringiro bafite mu Mana . {AA 63.2}
🔰 Mu ijuru umukororombya usa n’uwo, ugose intebe y’Imana kandi utamirije umutwe wa Kristo. … Ibyo byashushanyaga ikuzo ry’Uhoraho.” (Ezek 1:28; Ibyah 4:2, 3). Iyo umuntu yihamagariye gucirwaho iteka n’ijuru bitewe n’ubugome bwe bukabije, Umukiza yingiga se yerekana umukororombya mu bicu, akawerekana ugose intebe y’Imana unatamirije uruhanga rwe, nk’ikimenyetso cy’imbabazi Imana igirira umunyabyaha wicujije. {AA 63.3}
🔰Umukororombya werekana urukundo rwa Kristu rukikije isi, kandi rukagera mu ijuru hejuru y’ahandi hose , rugahuza abantu n’Imana, rugahuza isi n’ijuru.(1BC 1091.6)
➡ 👉🏾Nuzajya ubona umukororombya, uzajye wibuka urukundo, ubuntu, imbabazi, ubutabera, uburinzi n’amasezerano adakuka by’Imana, Umugenga w’isi n’ ijuru n’ibiriho byose.
⚠️Muvandimwe, Isezerano Imana yatanze nyuma y’umwuzure, rishingiye ku cyo Imana izakorera umuntu cyonyine, si k’ucyo umuntu azakora.
Dukizwa n’ubuntu bw’Imana gusa, twe twizera Kristu n’igitambo cye, akatwambika gukiranuka kwe. Mu kubana na We kandi, azatubashisha gusa na We (kumvira Imana).
🛐MANA URUKUNDO RWAWE RURATURENGA, TUBASHISHE KURUGARAGARIZA ABO WAREMYE MU MIBEREHO TUBAYEHO. 🙏🏾
Wicogora Mugenzi
Amen 🙏