Warning: Undefined variable $ub in /home4/bncrpved/public_html/wp-content/plugins/advanced-page-visit-counter/public/class-advanced-page-visit-counter-public.php on line 148

Warning: Undefined variable $ub in /home4/bncrpved/public_html/wp-content/plugins/advanced-page-visit-counter/public/class-advanced-page-visit-counter-public.php on line 160
YEREMIYA 27: YEREMIYA AGIRA UMWAMI INAMA NGO AYOBOKE NEBUKADINEZARI – Wicogora Mugenzi

Dukomeje kwiga igice kimwe cya Bibiliya buri munsi. Iga igice cyose cya 27 cya YEREMIYA uciye bugufi kandi usenga.

📖 YEREMIYA 27
[2] “Uku ni ko Uwiteka yambwiye ati: Ishakire ingoyi n’ibiti by’imbago ubyishyire ku ijosi,
[3] maze ubyoherereze umwami wo muri Edomu n’umwami w’i Mowabu, n’umwami wa bene Amoni, n’umwami w’i Tiro n’umwami w’i Sidoni, ubihaye intumwa zaje i Yerusalemu kwa Sedekiya umwami w’u Buyuda,
[4] ubatume kuri ba shebuja uti ‘Uku ni ko Uwiteka Nyiringabo Imana y’Abisirayeli ibabwira iti: Uku abe ari ko muzabwira ba shobuja muti:
[5] Ni jye waremye isi n’abantu n’inyamaswa biri ku isi, mbiremesheje ububasha bwanjye bukomeye n’ukuboko kwanjye kurambuye, kandi nkabyegurira uwo nshaka.
[6] Nuko rero ibyo bihugu byose nabigabiye umugaragu wanjye Nebukadinezari umwami w’i Babuloni, n’amatungo yo mu misozi narayamuhaye ngo amukorere.
[11] Ariko ubwoko buzayoboka umwami w’i Babuloni bukamukorera, ubwo ni bwo nzarekera mu gihugu cyabwo, kandi buzagihinga bukibemo.” Ni ko Uwiteka avuga.
[12] Maze mvugana na Sedekiya umwami w’u Buyuda, nkurikije ayo magambo yose nti “Nimuyoboke umwami w’i Babuloni mumukorere we n’abantu be, kugira ngo mubeho.

Ukundwa, gira umunsi w’Umunezero.
Imana iravuga iti ca bugufi uyumvire, ca bugufi ukore ibyo ikubwira nibyo bitanga amahoro.

1️⃣ INAMA YO KUYOBOKA UBWAMI BWA BABULONI(1-11)

🔰Umurongo wa 5, ugaragaza ko Imana ari Umuremyi, kandi ariyo yimika abami.
🔅Gutwara iriya ngoyi y’igiti ku ntugu ze, byatangaga ubutumwa ko amahanga azanga kuyoboka Nebukadinezari azaba agomeye Imana ubwayo, akazirengera ingaruka zabyo.
➡️Ibyiza by’iyi si byose dutunze ni Imana ibitanga uko ibishaka, dukwiye rero kunyurwa.
👉Kwemera kumvira Imana ugaca bugufi byakuzanira amahoro ahari ibyago. Muri byose intego ibe kumvira Imana.

2️⃣ZEDEKIYA ASABWA GUCA BUGUFI AKUYOBOKA(12-18)
🔰Ibyago byabashyikiye kubera ko Zedekiya atemeye, mu kumvira, kwemera kwishyira mu burinzi bw’Imana. Bamukuramo amaso ajyanwa i Babuloni ari imbohe. 2 BC 1040.3

🔅Mbega umuburo ubabaje bikabije ku bantu binangira bakebuwe, baticisha bugufi ngo bihane, kugira ngo Imana ibakize! (Letter 271, 1905). 2 BC 1040.4
➡️Mbega kwinangira umutima. Ukarinda ukurwamo amaso!
👉Niba byari iby’ubwenge kuyoboka umutegetsi w’umugome wa Babuloni bagakira, none se ni iby’ubwenge bungana iki kuyoboka Umwami wacu Yesu Kristo kugira ngo dukire tubone ubugingo?
❓Ni kuki wakwemera kuzapfa urupfu rwa kabiri (rw’iteka) rubi kurusha inzara n’inkota, aho kwegurira Kristu ubugingo bwawe? Oya nta mpamvu rwose.
⏯️Ba muri Kristu Yesu, ubeho uriho.

3️⃣IBIKORESHO BYO MU RUSENGERO BIZAJYANWA BABILONI (19-22)
📖‘Bizajyanwa i Babuloni kandi ni ho bizaguma kugeza umunsi nzajya kubyenda, nkabigarura nkabisubiza ahabyo.’ ” Ni ko Uwiteka avuga.(Yer 27:22)
➡️Ibisubizo by’Imana bizira mu gihe cyayo, si mu gihe twebwe twibwira cg twifuza. Urukundo rwayo, kumenya ahazaza, bituma itangira igisubizo mu gihe gikwiriye.
⏯️Uyu munsi duce bugufi, twemere ubushake bw’Imana bubone umwanya muri twe. Ni Yo izi ahazaza hacu, iyaduhaye umwana wayo izaduhana byose na We, kandi icy’ibanze ni ubugingo bw’iteka.
Kuri uyu munsi Imana yejeje igaha Umugisha (Itangiriro 2:3), reka kumvira Imana bibe amahitamo yacu aho kugumya kugundira ibihabanye n’ijambo ry’Imana.

🛐MANA DUHE GUHITAMO NEZA NO KWEMERA UGUSHAKA KWAWE. DUHE UBWENGE BUTUMA TO UKUMVIRA .🙏🏽

Wicogora Mugenzi

One thought on “YEREMIYA 27: YEREMIYA AGIRA UMWAMI INAMA NGO AYOBOKE NEBUKADINEZARI”

Leave a Reply

Your email address will not be published. Required fields are marked *