2 SAMWELI 10: DAWIDI ATERWA N’ABASIRIYA, ARABANESHA.

Dukomeje gusoma no kwiga igice cya Bibiliya buri munsi. Iga igice cyose cya 10 cya 2 SAMWELI, usenga kandi uciye bugufi.

Taliki 17 Ukwakira 2022

📖 2 SAMWELI 10
[15]Bukeye Abasiriya babonye ko baneshejwe n’Abisirayeli, bateranya ingabo zabo.
[16]Maze Hadarezeri atumira Abasiriya bo hakurya y’uruzi, baza i Helamu bazanye na Shobaki umugaba w’ingabo za Hadarezeri, ari we mugaba wabo.
[17]Dawidi abimenye na we ateranya Abisirayeli bose, bambuka Yorodani bajya i Helamu. Maze Abasiriya birema inteko bahangana na Dawidi, barwana na we.
[18]Abasiriya bahunga Abisirayeli, Dawidi yica mu Basiriya abantu barwaniraga ku magare umubare wayo yari magana arindwi, n’abagendera ku mafarashi inzovu enye kandi basogota Shobaki umugaba w’ingabo zabo, bamutsinda aho.
[19]Nuko abami bose batwarwaga na Hadarezeri, babonye ko baneshejwe n’Abisirayeli barabayoboka barabakorera. Nuko Abasiriya batinya kongera kuvuna Abamoni ukundi.

Ukundwa n’Imana, amahoro abe muri wowe. Dawidi yugarijwe n’abanzi bishyize hamwe, ntibyamubujije gutahukana insinzi, kubera Imana.

1️⃣ABAMONI BANGA INEZA YA DAWIDI
🔰ABAMONI bari bemerewe gukora umugambi mibisha y’imitima yabo kugira ngo imico yabo nyayo ihishurirwe Dawidi. Ntabwo Byari mu bushake bw’Imana ko Isiraheri igirana amasezerano na bariya bapagani. {EP 518.2}
📖2 Sam 10:4
[4]Nuko Hanuni afata abo bagaragu ba Dawidi abaharaturaho igice cy’ubwanwa, akeba imyenda yabo hagati ku kibuno, aherako arabohereza.
➡️Ibi byabaye kuri DAWIDI bitubere isomo, nugirira umuntu neza akakwitura inabi, uzamenye ko Imana yabyemeye igufitiye umugambi. Hari abo Imana ishobora kubona ko kugirana n’abo amasezerano byadutandukanya na Yo. Yigishe inama.

2️⃣ DAWIDI ANESHA ABASIRIYA
🔰Akaga kari kugarije ubwoko bwabo ngo burimburwe, byagaragaye ko aribyo byatumye agubwo bukomera. Yibutse gutabarwa kwe, Dawidi araririmba ati”
Abanyamahanga babaye imihonge,Bava mu bihome byabo bahinda imishyitsi.
Uwiteka ahoraho,Igitare cyanjye gihimbazwe,Imana y’agakiza kanjye ishyirwe hejuru.
Ni yo Mana impōrera,Ikangomorera amahanga nkayatwara”. Zaburi 18:46-48. {EP 518.5}
➡️Amahanga ahagurukiye kurwanya ubwoko bw’Imana nibwo insinzi yabaye nini cyane, igihugu cyasezeraniwe Aburahamu cyose kiba icy’Abisiraheri.
Nawe ibikurwanya nibiba byinshi, uzazirikane ko kubicanamo n’Imana bizashimangira imigambi myiza igufitiye. (Abaroma 8:28: Byose bifatanyiriza hamwe kutuzanira ibyiza). Ntuzitotombe cg ngo wihebe.

🛐MANA NZIZA, INSINZI YACU NI UKUKWIKOREZA URUGENDO RWACU RWOSE. DUHE KUKWEGURIRA BYOSE.🙏🏽

Wicogora mugenzi.