Dukomeje gusoma no kwiga igice cya Bibiliya buri munsi. Iga igice cyose cya 26 cya 1 NGOMA , usenga kandi uciye bugufi.
Tariki 13 Mutarama 2023
📖 1 NGOMA 26;
(1)Ibihe by’abakumirizi ni ibi:mu Bakõra ni Meshelemiya mwene Kore,wo muri bene Asafu.
(2)Meshelemiya yari afite abana b’abahungu:uw’imfura ni Zekariya, uw’ubuheta ni Yediyayeli, uwa gatatu ni Zebadiya, uwa kane ni Yatiniyeli,
(3)uwa gatanu ni Elamu, uwa gatandatu ni Yehohanani, uwa karindwi ni Eliyowenayi.
(12)Ibihe by’abakumirizi byari ibyabo, ni byo by’abagabo bakomeye bafite ibyo bashinzwe nka bene wabo, bagakora umurimo wo munzu y’Uwiteka.
(13)Bafindira aboroheje n’abakomeye uko amazu ya ba sekuruza yari ari, ngo bamenye abo kurinda amarembo yose.
Ukundwa n’Imana amahoro abe muri wowe. Ese nawe ujye urinda amarembo y’urusengero ngo umwanzi atarwibasira. Umutekano w’ibyera byayo nawe urakureba.
1️⃣UGUTANDUKANA KW’INSHINGANO
🔰Buri muntu wese uhindutse umwana w’Imana, akwiriye guhera ubwo yiyumvamo ko ari rimwe mu mapfundo agize umurunga uvuye mu ijuru ukoherezwa mu isi kugira ngo ukize abari mu isi; kandi akaba ari umwe na Kristo mu mugambi we w’ubuntu.
Bose bashobora kugira icyo bakora. Ntihakwiriye kubaho n’umwe wiyumvamo ko nta mwanya afite mu murimo wo gukorera Kristo. Kristo yisanisha na buri wese. (Umurimo wa Gikristu pge 12)
➡️Mu itorero ryawe, aho ukorera ndetse no mu miryango n’iyihe nshingano yawe?uyikora ute?
Niyo waba utayitorewe, hari iyo wahawe n’Imana (Matayo 28:19,20).
⏯️Emerera Uwiteka tumukorere, twamamaze inkuru nziza y’agakiza.
2️⃣URI IGIKORESHO CY’IMANA
🔰Abiyunze n’Umwami binyuze mu isezerano ryo kumukorera, bakwiriye kwiyunga na we mu murimo ukomeye cyane wo gukiza imitima.
🔰Abantu ni ibikoresho biri mu maboko y’Imana ,bakoreshwa nayo kugira ngo basohoze imigambi yayo y’ubuntu n’imbabazi. Buri wese afite uruhare rwe agomba gukora. Buri wese yahawe urugero runaka rw’umucyo uhuje n’ubukene bw’igihe cye, kandi uwo mucyo urahagije kugira ngo umushoboze gukora umurimo Imana yamushinze.(umuriml wa gikristo pge 12)
⏩Uri igikoresho cy’Imana nshuti, mu mpano ufite zana iyawe nanjye nzane iyanjye dukore umurimo urangire dutahe.
🛐 DATA MWIZA, TUBASHISHE KUBA IBIKORESHO WISHIMIRA 🙏
Wicogora Mugenzi.
Amena