Dukomeje gusoma no kwiga igice cya Bibiliya buri munsi. Iga igice cyose cya 12 cy’ABACAMANZA, usenga kandi uciye bugufi.
Taliki 25 UGUSHYINGO 2025
📖 ABACAMANZA 12:
[1] Abefurayimu baraterana bajya ikasikazi bazimuza Yefuta bati “Ni iki cyatumye ujya kurwana n’Abamoni ntudutabaze? Tuzagutwikira mu nzu.”
[2] Yefuta arabasubiza ati “Jye n’abantu banjye twari tugihigirana cyane n’Abamoni, ndabatabaza ntimwankiza amaboko yabo.
[3] Maze mbonye ko mutakinkijije mperako mpara amagara yanjye, ndambuka ntera Abamoni, Uwiteka arabangabiza. None ni iki gitumye muntera kundwanya?”
[5] Abanyagaleyadi baherako bategera Abefurayimu mu byambu bya Yorodani, maze impunzi yose ya Efurayimu yahagera ikabasaba ngo yambuke, bakayibaza bati “Uri Umwefurayimu?” Yabasubiza ati “Oya”,
[5] bakayibwira bati “Ngaho vuga ‘Shiboleti.’ ” Na yo ikavuga iti “Siboleti” kuko idashobora kurishyitsa neza, bagaherako bakayifata, bakayīcira muri ibyo byambu bya Yorodani. Icyo gihe hapfa Abefurayimu inzovu enye n’ibihumbi bibiri.
[7] Nuko Yefuta amara imyaka itandatu ari umucamanza w’Abisirayeli. Maze Yefuta
Ukundwa n’Imana, amahoro abe muri wowe. Imana yongeye ku twereka uburyo umunyeshyari nta cyiza abona ku bandi
1️⃣ UMUNYASHYARI NTA CYIZA ABONA KU BANDI
🔰 “Ni iki cyatumye ujya kurwana n’Abamoni ntudutabaze?
➡️ Abefurayimu aho kugirango bishimire intsinzi yari igezweho ahubwo ishyari ryakongejwe muri bo.
▶Ishyari si ifuti ry’ingeso gusa, ahubwo ni ingeso mbi yangiza ubwenge bwose. Ryatangiriye muri Satani. Yashatse kuba uwa mbere mu ijuru, kuko rero atabashije kubona ububasha n’ubwiza yashakaga. yagomcye ingoma y’Imana. Yagiriye ishyari ababyeyi bacu ba mbere, aboshya gucumura maze abarimburana atyo n’ubwoko bw’abantu bwose. (In.zig.Ito2 93.2)
▶️ Ntidukwiriye gukundira impagarara n’imibabaro byacu kumunga imitima yacu, ngo bidutere gushoberwa no guhagarika umutima. Ntihakagire impagarara zibaho, cyangwa gutekereza ibibi ku bandi, cyangwa kubavuga nabi hato tutarakaza Imana. Muvandimwe, niba ukingurira umutima wawe ishyari no gukeka ibibi, Umwuka Wera ntabasha kuba muri wowe. Shaka kuzura kuri muri Kristo. Kora mu buryo bwe. Ureke igitekerezo cyose n’ijambo n’umurimo bimugaragaze. Ukennye kubatizwa uko bukeye n’uko bwije na rwa rukundo rwateye intumwa kumvikana mu gihe cyazo. Uwo rukundo ruzatuma umubiri n’ubwenge n’umutima bihonjoka. Zengurutsa ubugingo bwawe umwuka utuma imibereho y’iby’umwuka igira imbaraga. Komeza ukuze kwizera, n’ibyiringiro n’ubutwari, n’urukundo. Reka amahoro y’Imana ategekere mu mutima wawe. ( Ina.zig.It 2 93.1)
2️⃣ GUTWARWA N’ISI
🔰 Nk’uko byagendekeye Abisiraheli, akenshi Abakristo bemera gutwarwa n’isi kandi bagakurikiza amahame yayo n’imigenzo yayo bagamije kugirana ubucuti n’abatubaha Imana.
▶️ Nyamara amaherezo, bizagaragara ko abo bita incuti ari bo banzi gica kuruta abandi bose. Bibiliya yigisha neza ko nta guhuza kugomba kuba hagati y’abantu b’Imana n’ab’isi. “Bene Data, ntimutangazwe n’uko ab’isi babanga.” (1Yohana 3:13). Satani akorera mu batubaha Imana yitwikiriye ubucuti bw’uburyarya, kugira ngo ashuke abantu b’Imana bagwe mu cyaha, bityo abashe kubatandukanya n’Imana. Igihe uburinzi bwabo buzaba buvuyeho, noneho azatera abakozi be kubahinduka maze bashake uburyo babarimbura.( AA 385.4)
DATA MWIZA TUBASHISHE KUBA MU ISI TUTARI AB’ISI
Wicogora Mugenzi.