Pr Juvénal MUNYAZIRINDA
Maze iminsi numva bamwe basenga mu buryo budahuye n’uko twizera ngatekereza ko uwo mwuka udacyashwe wakwanduza n’abandi.
Mpise ntegura iyi summary y’icyigisho ngo ndebe ko twakomeza gusegasira amahame twizera kuko ari kugerwa imigeri (Zab.11:3) hafi mu mpande zose.
Ijambo ry’Imana muri Bibiliya n’umwuka w’ubuhanuzi ndetse n’abandi banditsi baduha ibwiriza ryo gusenga dusaba tugasoza mu izina rya Yesu:
- BIBILIYA
Ihame ryo gusaba no gusenga mu izina rya Yesu rishingiye ku mirongo igaragara mu Isezerano Rishya:
- Yohana 14:13–14
- Yohana 15:16
- Yohana 16:23–24
- Abefeso 5:20
- Abakolosayi 3:17
Bibiliya yigisha ko Yesu ari we Muhuza wacu n’Imana (1 Timoteyo 2:5), bityo amasengesho yacu anyura muri We, tugasoza tubisaba mu izina rya Yesu.
- ELLEN G. WHITE YABIVUZEHO IKI?
Ellen G. White yigishije kenshi ko:
- Gusenga mu izina rya Yesu ari ihame ry’ukuri ryanditswe n’Imana.
Steps to Christ, p. 100: “Amasengesho yacu agomba gusengwa mu izina rya Yesu kuko ari we wenyine udutera gukundwa imbere y’Imana.”
- Isi yose igerwaho n’imigisha y’Imana ihabwa abizera binyuze mu izina rya Yesu.
Christ’s Object Lessons, p. 148: “Ibyo dusaba byose tugomba kubisaba mu izina rye, kuko ari ryo ritegura inzira y’ubuntu bw’Imana.”
- Amasengesho asizwe mu izina rya Yesu agira imbaraga
The Desire of Ages, p. 667: “Izina rya Yesu rifite ububasha mu ijuru no mu isi… ni ryo rituma amasengesho yacu arengerwa, asubizwa.”
- Gusenga tudakoresheje cg ngo dusoze dusaba mu izina rya Yesu nta shingiro bifite.
Testimonies, Vol. 2, p. 581: “Amasengesho atanyujijwe, (adasojwe) mu izina rya Yesu nta gaciro afite imbere y’Imana.”
- Yesu ni we Mutambyi Mukuru wacu
Testimonies, Vol. 1, p. 299: “Amasengesho yacu agomba kunyuza ku Muhuza wacu, Kristo…”
- ABAHE BANDITSI BANDI BABIVUGAHO?
Abigisha n’abanditsi b’Abadiventisiti b’Umunsi wa Karindwi bigisha ko amasengesho yose asozwa mu izina rya Yesu.
- Uriah Smith – SDA pioneer
Mu gitabo “The Spirit of Prophecy” avuga ko: “Isengesho ry’Abakristo ryose risozwa mu izina rya Yesu kuko ari ryo rihuza umunyabyaha n’Imana.”
M.L. Andreasen – The Book of Hebrews “Yesu gusa ni we Mutambyi mukuru utuma dushobora kwegera intebe y’imbabazi y’Imana tudatinya. Ni yo mpamvu amasengesho yacu yose anyuzwa mu izina rye.”
- George R. Knight – theologian
Mu nyigisho ze kuri doctrine ya SDA avuga: “Kristo nk’Umuhuza mukuru ni we utuma gusenga kugira imbaraga. Gusoza ‘mu izina rya Yesu’ si amagambo gusa, ni ihame ry’ukuri ryo mu Butumwa Bwiza.”
- John Stott (umwanditsi w’ivugabutumwa ku isi) yaravuze ati: “Gusenga mu izina rya Yesu bivuze gusenga dushingiye ku buntu bwe, uhagarariye ububasha bwe.”
- Matthew Henry – Bible Commentary handitswe ngo “Icyo dusaba cyose tugomba kucyegereza Imana tukinyujije mu izina rya Yesu.”
- INYIGISHO Y’IBANZE (THEOLOGY SUMMARY)
- Yesu ni we Muhuza (1 Tim 2:5; Heb 4:14–16).
- Amasengesho anyuzwa muri we (Yoh 14–16).
- Izina rye ribamo ububasha (Ibyak 4:12).
- Amasengesho atamwiyambaza nta shingiro nta n’agaciro agira – (EGW).
- Ni yo mpamvu dusoza tuti: “Tubisabye mu izina rya Yesu, Amen.”