Dukomeje gusoma no kwiga igice cya Bibiliya buri munsi. Iga igice cyose cya 15 cy’ABACAMANZA, usenga kandi uciye bugufi.
Taliki 28 Ugushyingo 2025
📖 ABACAMANZA 15:
(1)Nuko hahise iminsi, mu isarura ry’ingano Samusoni ajya gusura umugore we amuzanira umwana w’ihene yibwiye ko asanga umugore we ku murĕre, ariko sebukwe ntiyamukundira ko ajyayo.
(2)Sebukwe aramubwira ati “ni ukuli nagize ngo waramwanze rwose, nicyo cyatumye mushyingira mugenzi wawe. Mbese murumuna we ntamuruta ubwiza? Ndakwinginze abe ariwe utwara mu cyimbo cye. “
(3)Samusoni arababwira ati “Kuri ubu none nta rubanza rw’Abafirisitiya ruzajyaho, nimbagirira nabi. “
(4)Nuko Samusoni aragenda afata ingunzu magana atatu, yenda amafumba y’umuriro, izo ngunzu azifatanya imirizo ayihambiranya n’ifumba y’umuriro.
(5)Maze akongeza amafumba, arazikungagiza aziroha mu mirima y’ingano z’Abafirisitiya inkongi iratwarana hose si mu miba, si mu ngano zidatemye, si mu myerayo byose birakongoka.
Ukundwa n’Imana amahoro abe muri wowe
1️⃣INGARUKA ZO KUTUBAHA IMANA KWA SAMUSONI
▶️Samusoni mu birori by’ubukwe bwe, Samusoni yashyikiranye n’abangaga Imana y’Abisirayeli. Uwo mugore agambanira umugabo we ibirori by’ubukwe bitararangira.
▶️Samusoni arakajwe n’ubugambanyi bwe, aba amusize aho yigira iwabo i Sora. Amaze gutururukwa, asubirayo kujyana umugeni we maze asanga yarashyingiwe undi.
▶️Ubwo yihoreraga akarimbura imirima n’imizabibu byose by’Abafirisitiya, byatumye bica uwo mugore, n’ubwo iterabwoba ryabo ariryo ryari ryatumye agira ubushukanyi bwari bwatangiye izo mvururu.(AAPGE 288)
2️⃣YAMENYE IBANGA IMANA YAMUBITSEMO
▶️Samusoni yari yaramaze kwerekana ibimenyetso by’imbaraga ze zitangaje ubwo yicishaga umugunzu w’intare amaboko ye gusa, n’ubwo yicaga abagabo mirongo itatu b’i Ashikiloni.
▶️N’uko arakajwe nuko bishe umugore we urupfu rw’agashinyaguro, atera abafirisitiya arabica, arabatikiza cyane, yica benshi. (AApge 288)
3️⃣N’UBWO TUTITA KUBYO IMANA IDUKORERA, IRADUKUNDA
▶️Samusoni yifuje kuruhukira mu mahoro, ajya mu isenga y’igitare cya Etamu, i Buyuda. Barahamukurikirana bakutse umutima, ntibagira isoni zo kwemeranya kumutanga mu maboko y’abanzi babo, Samusoni abemerera kumubohesha imigozi ibiri mishya, maze bamujyana aho abanzi be bari baganditse, bari mu byishimo byinshi. “Maze umwuka w’Uwiteka umuzaho cyane “.Acagagura ya migozi mishya ikomeye cyane nk’iyashiririjwe n’umuriro.
▶️Maze afata intwaro ya mbere yari hafi, igufwa ry’umusaya w’indogobe, yica abafirisitiya igihumbi, abasiga aho arigendera. (AApge 288)
⏩Nshuti mukundwa amahitamo yacu niyo agira uruhare mubyo tuzaba byo. Hitamo YESU uzagire ahazaza heza
DATA MWIZA DUHE UBWENGE BWO GUHITAMO NEZA MU IZINA RYA YESU AMEN
Wicogora mugenzi.