Dukomeje gusoma no kwiga igice cya Bibiliya buri munsi. Iga igice cyose cya 13 cy’ABACAMANZA, usenga kandi uciye bugufi.
Kanama 2022
📖 ABACAMANZA 13:
(2)Nuko hari umugabo w’i Sora wo mu muryango w’Abadani, witwaga Manowa. Umugore we yari ingumba itigeze kubyara.
(3) Marayika w’Uwiteka yiyereka uwo mugore aramubwira ati “Dore uri ingumba ntiwigeze kubyara, ariko uzasama inda ubyare umwana w’umuhungu.
(4) Nuko ndakwinginze wirinde kunwa vino cyangwa igisindisha kandi ntukarye ikintu cyose gihumanya,
(5) Kuko uzasama inda ukabyara umuhungu. Kandi ntihazagire umwogosha kuko uwo mwana azaba umunaziri ahereye akiva mu nda ya nyina, kandi niwe uzatangira gukiza Abisirayeli amaboko y’Abafirisitiya.”
(11) Manowa arahaguruka akurikira umugore we, asanga uwo mugabo aramubaza ati “Mbese ni wowe wavuganaga n’uyu mugore? “
Na we ati “Ni jyewe “,Manowa ati ibyo uvuze nibisohora, mbese azaba ari muntu ki cyangwa azakora iki? “
(13)Marayika w’Uwiteka abwira Manowa ati “ibyo nabwiye uyu mugore byose abyirinde “.
Ukundwa n’Imana amahoro abe muri wowe , kumvira Imana ni umugabane ukomeye mu buzima
1️⃣SENGA WONGERE USENGE
▶️N’ubwo guteshuka ku Mana byari byarabaye gikwira hose, abasengaga Imana by’ukuli bakomeje kuyinginga ngo Abisirayeli bacungurwe.
▶️Nubwo byasaga nkaho nta gisubizo, mu myaka ya mbere yo gutotezwa kw’Abafirisitiya havutse umwana Imana yari yateganije gucubya imbaraga z’abo banzi bakomeye.
❇️Marayika w’Uwiteka abonekera umugore wa Manowa wari ingumba amuzanira ubutumwa buvuga yuko azabyara umuhungu Imana izakoresha ubwo izatangira gucungura Abisirayeli.
Uwo mu marayika amuha amabwiriza yerekeye uko azifata, n’uko azafata umwana we. (AApge 286)
2️⃣AKAMARO KO KUMVIRA
▶️Kugira ngo uwo mwana wasezeranwe ahabwe ibyangombwa bikwiriye umurimo we w’ingenzi, ingeso z’umubyeyi n’umwana byagombaga kwitonderwa.
Ingeso za nyina zizatuma uwo mwana akora neza cyangwa nabi. Agomba gukurikiza amabwiriza maze agakora ibyo kurinda umubiri we no kwifata, niba yifuza imibereho myiza y’umwana we. (AApge 286)
3️⃣INAMA ABABYEYI BAHABWA KU KWIRINDA
❇️Kandi ababyeyi b’abagabo kimwe n’ab’abagore iyo ni inshingano yabo. Ingaruka ziterwa n’uko ababyeyi badakora ibyo kwirinda ngo bagire ubuzima bwiza, n’uko kenshi abana batagira imbaraga z’umubiri, ubwenge n’ibitekerezo bihamye.
▶️Abana bakomoka ku banwa ibisindisha n’itabi bashobora kuvukana amaraso ahorana inyota kandi agurumana, ndetse bashobora no kuba abanyamujinya.
▶️Kenshi na kenshi abahehesi baraga ababakomokaho irari ry’ibibi, ndetse n’indwara mbi cyane ziteye isoni .
❇️Ababyeyi bafite uruhare runini ku bihumbi n’ibihumbi by’abavuka ari ibipfamatwi, impumyi,abarwayi cyangwa ari ibigoryi (iyi ni imvugo ya Bibiliya ariko ibi bihe dukoresha abafite ubumuga )(AApge 286)
⏩Babyeyi beza duhuriye kuri uyu murongo niba utanabikoraga, iga gutandukanya ibyo kurya bitunganye n’ibidatunganye .ibyo turya bigirana isano ikomeye n’ubuzima
Cg imico tugira ubu ndetse no mu gihe kizaza n’abazadukomokaho
DATA MWIZA TUBASHISHE KUMVIRA IJAMBO RYAWE BIDUHE AMAHIRWE YO KWIRINDA IBIBUJIJWE BYOSE MU IZINA RYA YESU AMEN
Wicogora mugenzi.