Dukomeje gusoma no kwiga igice cya Bibiliya buri munsi. Iga igice cyose cya 11 cy’ABACAMANZA usenga kandi uciye bugufi
Taliki 24 UGUSHYINGO 2025
📖 ABACAMANZA 11:
(3)Nuko Yefuta ahunga bene se, ahungira mu gihugu cy’i Tobu aturayo, maze Yefuta ateranya abantu b’inguguzi bakajya batera abandi.
(4)Hashize iminsi Abamoni barwanya Abisirayeli,
(5)Nuko Abamoni bakibarwanya, abakuru b’i Galeyadi batuma kuri Yefuta ngo acikuke ave mu gihugu cy’i Tobu.
(6)Baramubwira bati “Ngwino ube umugaba wacu tubone uko turwana n’Abamoni.
(7)Yefuta abwira abakuru b’i Galeyadi ati “si mwe mwanyanze mukanyirukana mu bya Data? Ni iki gituma muza kunshaka ubu, kuko mubabaye? “
(8)Yefuta arababaza ati “Nimunsubiza iwacu kurwana n’Abamoni Uwiteka akabangabiza, nzaba umutware wanyu koko?”
(10)Baramusubiza bati ‘Uwiteka abe umuhamya hagati yacu, nitudasohoza ibyo tuvuze. “
(29)Umwuka w’Uwiteka aza kuri Yefuta , anyura i Galeyadi n’i Manase ajya i Misipa y’i Galeyadi, avayo afata mu Bamoni
(30)Nuko Yefuta ahiga Uwiteka umuhigo ati “Nungabiza Abamoni,
(31)ngatabaruka amahoro mvuye kubatsinda, ikizabanza gusohoka imbere y’umuryango w’inzu yanjye kunsanganira, kizaba icy’Uwiteka. Nanjye nzagitangaho igitambo cyoswa. “
(32)Nuko Yefuta arambuka atera Abamoni arwana nabo, Uwiteka arabamugabiza
(39) Nuko amezi abiri ashize agaruka kwa se, nawe amuhigurira Uwiteka nk’uko yari yahize, kandi yari atararongorwa.
Ukundwa n’Imana amahoro abe muri wowe. Ni byiza kwibuka imihigo twahize tukayihigura
1️⃣IMANA UMUTABAZI
▶️Abantu bayo bamaze kwitandukanya n’ibyaha byatumaga itaba hagati muri bo, yumvise amasengesho yabo maze uwo mwanya ihita itangira kubafasha. Umucunguzi Yefuta arahamagarwa, arwanya Abamoni kandi koko abanesha umuhashya .
(AAPGE 285)
2️⃣IRINDE GUCYEZA ABAMI BABIRI
▶️Abisirayeli bari bamaze imyaka cumi n’umunani bagirirwa nabi n’abanzi babo, kandi rimwe na rimwe ryajyaga ribajyanaho iminyago. Nyuma bivanga n’abo bantu basenga ibigirwamana, bafatanya mu byo kwinezeza no gusenga kugeza ubwo babaye nk’aho ari bamwe mu by’umwuka no mu bindi bakeneraga.
🔰Bibiliya isobanura neza yuko abantu b’Imana badakwiriye guhuza n’ab’isi.
Satani akoresha abakora ibyangwa n’Imana, yitwikiriye ubucuti bw’uburyarya, kugira ngo ashuke abantu b’Imana bagwe mu cyaha. (AApge 285)
📖 Iyaba ubwoko bwanjye bunyumvira, Iyaba Abisirayeli bagendera mu nzira zanjye, natsinda ababisha babo vuba , nahindurira ukuboko kwanjye kubabarwanya. (Zab 81:14, 15)
3️⃣IBUKA GUHIGURA
📖 (Umubw 5:
(3) Nuhigira Imana umuhigo ntugatinde kuwuhigura, kuko itanezerewe abapfapfa .Ujye uhigura icyo wahize.
(4)Guhiga umuhigo ntuwuhigure birutwa no kutawuhiga.
⏩Nk’uko Imana yacu idusohoreza amasezerano, nawe ukwiriye kubumbura umunwa wawe utavuga amanjwe , emerera umutima wawe gushyikirana n’ijuru mu kuli no mu mwuka.
🛐 DATA MWIZA EMERERA IMITIMA YACU KUMVIRA IJAMBO RYAWE 🙏
Wicogora Mugenzi.