ZABURI 2: URI UMWANA WANJYE UYU MUNSI NDAKUBYAYE

Dukomeje gusoma no kwiga igice cya Bibiliya buri munsi. Iga igice cyose cya 2 cya Zaburi, usenga kandi uciye bugufi.

📖 ZABURI 2
[1] Ni iki gitumye abanyamahanga bagira imidugararo? N’amoko yatekerereje iki iby’ubusa?
[2] Abami bo mu isi biteguye kurwana, Kandi abatware bagiriye inama Uwiteka n’Uwo yasīze
[3] Bati “Reka ducagagure ibyo batubohesheje, Tujugunye kure ingoyi batubohesheje.”
[4] Ihora yicaye mu ijuru izabaseka, Umwami Imana izabakoba.
[5] Maze izababwirana umujinya, ibatinyishishe uburakari bwayo bwinshi
[6] Iti “Ni jye wimikiye umwami wanjye, kuri Siyoni umusozi wanjye wera.”
[7] Ndavuga rya tegeko, Uwiteka yarambwiye ati “Uri Umwana wanjye, uyu munsi ndakubyaye.
[8] Nsaba nzaguha amahanga ngo abe umwandu wawe, n’abo ku mpera y’isi ngo ubatware.
[9] Uzabavunaguza inkoni y’icyuma, uzabamenagura nk’ikibumbano.”
[10] Noneho mwa bami mwe, mugire ubwenge, mwa bacamanza mwe z’abo mu isi, mwemere kwiga.
[11] Mukorere Uwiteka mutinya, munezerwe muhinde imishyitsi.

Ukundwa n’Imana amahoro abe muri wowe.

1️⃣ NTA WARWANYA UWITEKA NGO AMUTSINDE
Igihe Yesu, Mesiya yavukiraga, satani yramurwanije ndetse anyura mu bami bariho. (Ibyakozwe n’Intumwa 4:26-27) – Abami bo mu isi bateje urugamba, n’abakuru bateraniye hamwe, kurwanya Uwiteka n’Uwo yasize.’ Kandi koko Herode na Pontiyo Pilato, hamwe n’abanyamahanga n’imiryango y’Abisirayeli bateraniye muri uyu mu rwa kurwanya umugaragu wawe wera Yesu, uwo yasize.

➡️ Na n’uyu munsi satani ararwana inkundura ashaka kurimbura benshi! Nta bundi buhungiro uretse Yesu wanesheje satani, natwe azatuneshereza.

2️⃣ URI UMWANA WANJYE NDAKUBYAYE
Kuba umwana w’Imana, Yesu ntiyabigundiriye, ahubwo yashatse ko natwe avamwemeye, bakizera igitambo cye nabwo ari abana b’Imana. (1 Yohana 4:10) – Bana bato, muri ab’Imana kandi ba bandi mwarabanesheje, kuko uri muri mwe aruta uri mu b’isi.

➡️ Tugaragaze abo turimo, abakristo b’ukuri. Abana b’Imana. (Abaroma 8:16)- Umwuka w’Imana ubwe ahamanya n’umwuka wacu yuko turi abana b’Imana,

Mwuka w’Imana abitwumvishe aduhe kwizera Yesu by’ukuri

🛐 DUSHOZE KUKWIZERA BY’UKURI🙏

Wicogora mugenzi.