ITANGIRIRO 19: IRIMBUKA RYA SODOMU

Dukomeje gusoma no kwiga igice cya Bibiliya buri munsi. Iga igice cyose cya 19 cy’INTANGIRIRO usenga kandi uciye bugufi.

Tariki 5 GICURASI 2025

📖ITANGIRIRO 19
[1]Ba bamarayika bombi bagera i Sodomu nimugoroba, Loti yari yicaye mu marembo y’i Sodomu. Loti ababonye arahaguruka ngo abasanganire, yikubita hasi yubamye.
[2]Arababwira ati “Ndabinginze ba databuja, nimwinjire mu nzu y’umugaragu wanyu, muharare bucye, mwoge ibirenge, ejo muzazinduke mugende.”Baramusubiza bati “Oya, turarara mu nzira bucye.”
[9]Baramusubiza bati “Have tubise!” Bati “Uru rugabo rwaje rusuhuka, none rwigize umucamanza. Turakugirira inabi iruta iyo tugiye kugirira ba bandi.” Basunika Loti cyane, begera urugi kurumena.
[13]Tugiye kurimbura aha hantu, kuko gutaka kw’abaharega kwagwiriye imbere y’Uwiteka, akadutuma kuharimbura.”
[14]Loti arasohoka, avugana n’abakwe be barongoye abakobwa be, arababwira ati “Nimuhaguruke muve aha hantu, kuko Uwiteka agiye kurimbura uyu mudugudu.” Ariko abakwe be bo babigize nk’ibikino.
[16]Maze azaririye, abo bagabo bafata ukuboko kwe n’uk’ umugore we n’ay’abakobwa be bombi, Uwiteka amubabariye, baramusohora, bamushyira inyuma y’uwo mudugudu.
[17]Bamaze kubakuramo, umwe muri bo aravuga ati “Hunga udapfa. Nturebe inyuma kandi ntutinde utararangiza iki kibaya, hungira ku musozi utarimbuka.”
[29]Ubwo Imana yarimburaga imidugudu yo muri icyo kibaya, yibutse Aburahamu, yohereza Loti ngo ave muri iryo tsembwa, ubwo yatsembaga imidugudu Loti yari atuyemo.
[33]Batereka se vino muri iryo joro, uw’impfura aragenda aryamana na se, se ntiyamenya ko yaryamye cyangwa ko yabyutse.
[37]Uw’imfura abyara umuhungu amwita Mowabu. Uwo ni we sekuruza w’Abamowabu na bugingo n’ubu.
[38]Umuto na we abyara umuhungu amwita Benami, ari we sekuruza w’Abamoni na bugingo n’ubu.

Ukundwa,amahoro y’Imana abane nawe.N’ubwo Sodomu cyari ikibaya cyiza kandi cyera ibyaha byayo baje kurundanywa bigera mu ijuru.

1️⃣ ABAMARAYIKA BAGERA I SODOMA
❇️Nk’uko byabaye kuri Aburahamu,Loti nawe yakiriye abashyitsi asanga yakiriye intumwa z’izuju
🔰 Iyo ataba yarimenyereje umutima w’ubugiraneza, aba yarasigaye muri Sodomu akarimburanwa n’abayirimo. Ingo nyinshi, igihe zikinga imiryango ngo zidacumbikira abashyitsi, zikingirana intumwa y’Imana, yari ibazaniye imigisha, ibyiringiro n’amahoro. {AA 100.4}
▶️Ubwo yakiraga abamalayika, abaturage b’i Sodomu baraje bifuje kugirira n’abi abo bashyitsi.▶️Bashaka kubakorera ubutinganyi
🔺Igikombe cya Somomu cyari cyuzuye. Loti amenyeshwa umugambi wo kurimburwa kwa Sodomu anasabwa gukiza ubuzima bwe, abe n’ubwo abakwe be n’ubwo aba babihinyuye!
🔰 “Dore, iki ni cyo gicumuro cya murumuna wawe Sodomu: ubwibone, n’ibyo kurya byinshi, n’ubukire bwe n’ubwo abakobwa be; kandi ntiyakomezaga ukuboko kw’abakene n’indushyi. Bari abirasi maze bakorera ibizira imbere yanjye: nuko mbibonye mperako mbakuraho.” Ezekiyeli 16:49, 50.
⛔ N’ubwo abanyasodomu bari bazi Imana ya Aburahamu wabatabaye babaye iminyago, bahisemo ibibanezeza maze ijoro ryabo rya nyuma rirabudika

2️⃣ ABAMARAYIKA BAKURA LOTI I SODOMU, IMANA IRAHARIMBURA
▶️Loti n’abiwe bahawe amabwiriza yo gukiza amagara yabo ndetse ahabwa amabwiriza akomeye Hunga udapfa. Nturebe inyuma kandi ntutinde utararangiza iki kibaya, hungira ku musozi utarimbuka.”
❇️ N’uno munsi ijwi riracyahamagara rigira riti: Dore mpagaze ku rugi ndakomanga, umuntu nakingura nzinjira iwe dusangire
▶️ Imana irararikira abantu gusokoka muri babuloni
🔺 Nyamara nk’abanyasodomu hari abanga kuva i Sodomu, abandi bakavayo batavuyeyo nka Muka Loti bakazimirira mu nzira nk’uko yabaye inkingi y’umunyu!
▶️ Mu gihe abantu bavuga bati wifuza iki kigereho, mu gihe abantu bavuga bati ibyiza biri imbere hari akaga kubanze kumvira Imana
▶️ Nk’uko byagenze mu minsi ya Nowa na Loti, hagomba kuba itandukaniro hagati y’icyaha n’abanyabyaha. Ntabwo iby’Imana bikwiye kwivanga n’iby’isi, nta gusubira inyuma gutwara ubutunzi bw’isi. “Ntimubasha gukorera Imana na mamomi.” Matayo 6:24. {AA 105.5}

3️⃣ INKOMOKO Y’ABAMOWABU N’ABAMONI
▶️Bakobwa ba Loti babonye basigaranye na se bishakiye inzira yo kororoka basindisha se bakomokwaho n’amoko 2 abamowabu n’abamoni
▶️ Bari barangirikiye i Dodomu batabasha gutandukanya ikibi n’icyiza.
🔺Nk’ihwa mu kirenge cyangwa akabuye mu rukweto aya moko yaguye nabi ishyanga ryera.

Mukundwa, isi irakamwa makuru, turararikirwa guhunga ndetse no kumenya guhitamo aho dutura hatatwangiza twe n’abacu. Ijwi riraturarika ngo hunga udapfa.

🛐MANA TWABWIWE BYINSHI TWIGISHWA BYINSHI TUBASHISHE GUHUNGA IBY’ISI NGO TUDAPFA.”🙏🏽

Wicogora mugenzi