ZABURI 12: ABANYAMURAVA BABURA MU BANTU.

Dukomeje guso ma no kwiga igice cya Bibiliya buri munsi. Iga igice cyose cya 12 cya Zaburi, usenga kandi uciye bugufi.

📖 ZABURI 12
[1] Zaburi iyi yahimbiwe umutware w’abaririmbyi, babwirisha inanga ijwi ryo mu gituza. Ni Zaburi ya Dawidi.
[2] Uwiteka tabara kuko umunyarukundo ashira, Abanyamurava babura mu bantu.
[3] Bose barabeshyana, Bavugisha iminwa ishyeshya n’imitima ibiri.
[4] Uwiteka azatsemba iminwa yose ishyeshya, N’ururimi rwirarira,
[5] Abavuze bati”Tuzaneshesha indimi zacu, Iminwa yacu ni iyacu udutwara ni nde?”

[6] “Ku bwo kunyagwa k’umunyamubabaro, Ku bwo gusuhuza umutima k’umukene, Nonaha ndahaguruka”, ni ko Uwiteka avuga,”Ndashyira mu mahoro uwo bacurira ingoni.”
[7] Amagambo y’Uwiteka ni amagambo atanduye, Ahwanye n’ifeza igeragejwe mu ruganda rwo mu isi, Ivugutiwe karindwi.
[8] Uwiteka uzabarinda, Uzabakiza ab’iki gihe iteka ryose.
[9] Abanyabyaha bagenda hose impande zose, Iyo abatagira umumaro bashyizwe hejuru mu bantu.

Ukundwa n’Imana, amahoro abe muri wowe. Imana iracyafite abanyamurava! Byaba byiza ubaye umwe muri bo.

1️⃣ ABANYAMURAVA BABURA MU BANTU
🔰 [2] Uwiteka tabara kuko umunyarukundo ashira, Abanyamurava babura mu bantu.

⏯️ Mu rwandiko rwa mbere Pawulo yandikiye Abakorinto, harimo amagambo agira ati: “Nuko rero abantu bajye badutekereza yuko turi abakozi ba Kristo, n’ibisonga byeguriwe ubwiru bw’Imana. Kandi ibisonga bishakwaho ko biba abanyamurava. (1Kor 4:1-2)”.

⚠️ None wowe, Sosiyete ikubona ite? Aho uba bakubona bate? Ubamariye iki? Upfuye wasiga inkuru ki imusozi.

⏯️ Hakurikijwe ubusonga twahawe, ntidufite inshingano ku Mana gusa ahubwo tuyifite no bantu. Urukundo rutagerwa rw’Umucunguzi wacu ni rwo umuntu wese akesha impano abona mu buzima. Ibyo kurya, imyambaro n’amacumbi, umubiri wacu, ubwenge n’ubugingo, byose byacungujwe amaraso ya Kristo. Kandi kubw’inshingano dufite yo gushima n’umurimo twahawe, Kristo yatwomatanyije na bagenzi bacu. Aradutegeka ati: “Ahubwo mukorerane mu rukundo” ( Abagalatiya 5:13). “Ubwo mwabikoreye umwe muri bene Data aba boroheje bari hanyuma y’abandi, ni jye mwabikoreye.” [Matayo 25:40. Ub 142.4]

2️⃣ URUKUNDO RWA DATA
🔰 [6] “Ku bwo kunyagwa k’umunyamubabaro, Ku bwo gusuhuza umutima k’umukene, Nonaha ndahaguruka”, ni ko Uwiteka avuga,”Ndashyira mu mahoro uwo bacurira ingoni.”
⏯️ Uwiteka akunda gukiranuka n’imanza zitabera, Isi yuzuye imbabazi z’Uwiteka.( Zab 33:5). Nubwo umurava ushira mu bantu ariko Urukundo rw’Imana rwo ruhoraho igihe cyose kandi rugera ku batuye mu isi bose mu buryo butandakanye. Ni y’ikomez’amasi yos’atabarika yo mu isanzure, ikanarinda n’igishwi kijwigira cyidabagirira. N’iyo turi hose, ar’ukujya mu mirimo cyangwa se kuryama n’ijoro,
cyangwa s’iyo tubyutse mu gitondo; byos’irabizi. N’iy’umukire aremy’ibirori mu nyumba ye, cyangw’ umuken’ateranirij’abana be ku gakono k’inteka-busa, umuntu wes’arindanw’urukundo na Data wo mw ijuru. Nta marir’atemba mu maso yacu Imana itabizi. Nta na kimwe kiyisoba.

⚠️Wowe usoma ubu butumwa, urongeye uhawe amahirwe yo kwisuzuma! Ngaho reba niba ukiri umunyamurava cyangwa niba uri umurava waragukamutsemo. Ndasaba Imana ngo ikubashishe kuba Intore yayo, ikurinde kuba nanjye binyobere; ahubwo iguhe kuba nkore neza bandebereho.

🛐 DATA WERA TUBASHISHE KUBA ABANYAMURAVA🙏

Wicogora Mugenzi.